Plantun de Prouvènço

Pèr coumpara dos planto d'encò nostre

Arum italicum & Chaenorrhinum rubrifolium

Sangueiroun

Arum italicum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum d'Italie, Gouet d'Italie.

Descripcioun :
Lou sanguieroun es uno planto poulideto bèn couneigudo que trachis dins li relarg proche d'aigo. Se recounèis à si fueio sagitado, sa flour en espato e pièi à si fru roujo. Coume l'avié vist Lamarck (1778), en caufant e en largant d'oudour que pudisson, la flour vai veni de pichòti mousco (Psychoda) que la poulinison.

Usanço :
La planto caup d'alcalouïde, d'ossalate de caucion e mant'un pouisoun subretout li fueio e li fru. Pamens lou tubercule, riche en amidoun, es esta manja cue dóu tèms di carestié. Pèr acò, lou faire bèn couire e chanja l'aigo mant'un cop. Sarié vertuouso pèr li póumoun e contro li moureno e lou mau d'os (Turquìo).

Port : Erbo
Taio : 20 à 70 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 5 à 8 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à mai

Liò : Ribiero - Prado umido - Ermas
Estànci : Termoumediterran à Mesoumediterran
Couroulougi : Eurimediterrano
Ref. sc. : Arum italicum Mill., 1768

Meisseto(-di-fueio-rouginasso)

Chaenorrhinum rubrifolium

Plantaginaceae Scrophulariaceae

Nom en français : Linaire à feuilles rougeâtres.

Descripcioun :
Aquelo meisseto dóu gènre Chaenorrhinum, trachis dins li tepiero roucaiouso o li roucas bèn ensouleia. Es uno pichoto planto, pas trop ramificado, peludo e pegouso, que porto de pichòti flour (meisseto) blanco emé de coulour vióuleto e jauno, e pas gaire duberto. Se recounèis majamen au dessouto poupre de si fueio larjo e à sa rouseto basalo (au contre de Chaenorrhinum minus que n'a ges).

Usanço :
Counèissen pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 30 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Chaenorrhinum
Famiho : Plantaginaceae
Famiho classico : Scrophulariaceae

Ordre : Lamiales

Coulour de la flour : Vióuleto
Petalo : irreguliero
Ø (o loungour) flour : 1,5 à 2 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à setèmbre

Liò : Tepiero roucaiouso - Roucas - Esboudèu
Estànci : Termoumediterran à Subremediterran
Couroulougi : Eurimediterrano
Ref. sc. : Chaenorrhinum rubrifolium (Robill. & Castagne ex DC.) Fourr., 1869

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arum italicum & Chaenorrhinum rubrifolium

ges

Coumpara Sangueiroun emé uno autro planto

Coumpara Meisseto(-di-fueio-rouginasso) emé uno autro planto